خلك على صدك .. ترى خاطري طاب
ودعــتــك الله .. وابـتـعــد لا تـجـيـنــي
من صد .. دون أية عواريض وأسباب
أنهـيـت حــبٍ .. صــار بـيـنـه وبـيـنـي
حتى .. لو إنه من أدناة الأقـراب
نفسـي عـزيـزة .. والـناس عارفيني
ماني عقب فرقاك .. عايش بلا أحباب
ولانـي عقـب فـرقـاك عـايـش حزيـن
لا ساهـرٍ لأجلـك .. ولا الـدمـع سـكـاب
مـن أنـت؟ حـتـى تبـكـي الـيـوم عيـنـي
أصبحت في عيني مثل باقـي الأغـراب
إن رحـت والا جيـت مـا أنـت بظنيـنـي
وش حاجتي .. لا صرت بالحب لعّـاب
حــرام أضـيّـع .. مـعـك بـاقـي سنيـنـي
خذها بلا تسويف واحسب لهـا حسـاب
نـهـايـة الـمـقـصـود.. فــــي كلمـتـيـنـي
الـلـي يـبـي فـرقــاي.. قـدامــه الـبــاب
والـلـي يبيـنـي فــوق راســي وعـيينـي
